بۆ یەکەمین جارە لە قەزای شارەزوور خولێکی تایبەت بە چنین لە لایەن بەرێوەبەرێتی رۆشنبیری و ھونەری شارەزوورەوە دەکرێتەوە.
مەریوان تۆفیق ، بەڕێوبەری ڕۆشنبیری و هونەری شارەزوور لە لێدوانێکیدا بۆ (شارەوور نیوز) ڕایگەیاند ،”ئامانجی سەرەکی لەکردنەوەی ئەم خولە ، فێرکردنی ژمارەیەک لە خانمانی سنورەکەیە ، بە پیشەیەکی دەستی کە ئەمجۆرە لەپیشە لەھەموو دنیادا بایەخ و گرنگی و تایبەتمەندی خۆی ھەیە “.
وتیشی ،”خانمان لە ئەمجۆرە خولانە دەتوانن لەرێگەی ئەم پیشە دەستیەوە ببن بەخاوەنی داھاتێکی تایبەت بە خۆیان و بەرھەمی کارەکانیان کەچنینە لەبازارەکان و پێشەنگەکاندا بفرۆشن “.
ئاماژەی بەوەش کرد ،”ئێمە ھەوڵەدەین لەرێگەی کەسانی خۆبەخشەوە بایەخ بەم جۆرە خولانە ، بدەین و دوای تەواوبونی خولەکان بەرھەمەکانیان لەپیشەنگەیەکدا بۆ نمایشبکەین “.
ئاماژەی بەوەشدا ،”دوای جەژنی قوربان لە ڕێگەی ئەکاونتی فەڕمی بەڕێوبەرێتییەکامان کاتی دەستپێکردنەکەی بڵاو دەکەینەوە “.
