شارەزوور نیوز – ناوەندی هەواڵ
دوای ئەوەی کە لە لایەن تەندروستکاران و مامۆستایانەوە، ناوەندە تەندروستی و خوێندنگەکان بایکۆت کرا لە بەشێکی زۆری شار و شارۆچکەکان، لەقەزای شارەزوور تەندروستی سبەی دەوامی دەستپێدەکاتەوە و بایکۆت دەشکێنێت، بەڵام دیارنیە ئاخۆ کارمەندان ئامادەدەبن یاخود نا.
کەمال ئەحمد، لێپرسراوی بەشی ڕاگەیاندنی نەخۆشخانەی گشتی شەهید ڕەئوف بەگ لە لێدوانێکیدا بە “شارەزوور نیوز”ی ڕاگەیاند، ” سەرجەم پزیشک و کارمەندانی نەخۆشخانەکەمان ئاگادار دەکەینەوە کەسبەی یەک شەممە بەرواری ٢٠١٨/٤/١
دەوامی فەرمی لەنەخۆشخانەکەمان دەست پێ دەکاتەوە “.
“شارەزوور نیوز” زانیاری لایە کە وەزیری تەندروستی بەڵێنی ئەوەی وەرگرتووە کە هەموو سەری مانگێک موچە دێت بەم سیستەمە نوێیە.
ئەمە لە کاتێکدایە سەندیکای کارمەندانی تەندروستی لقی شارەزوور وەک خۆی دەڵێت، “ئێمە بەهیچ شێوازێک ئامادە نین دەوامی فەڕیمی بکەین چونکە ئەو ئامانجەی بایکۆتمان بۆی کردبوو نەهاتووەتە دی “.