Skip to content
- شارەزوورنیوز:کاروان کریم
- دوابەدوای ئەوەی ژمارەیەک لەسەرجەم چین وتوێژەکانی قەزای شارەزوور داوایان لەقایمقامی سنورەکە کردبە مەبەستی داواکاری جۆزەی ١٦ئەمپێری بۆسەرجەم ناحیە وگوندەکانی سنورەکە سەرلەبەیانی ئەمڕۆلەسنوری ناحیەی وارماوا پڕۆسەکە دەستی پێکرد
- جەمال عەلی لێپرسراوی فرۆشتنی وزەی کارەبای وارماوالە لێدوانێکیدا تایبەت بە شارەزوور نیوز ڕایگەیاند ” ئێمە سەرەتا هەستاین بەدانانی تەختەکان و ئێستاش دەستمان کردووە بەدانانی جۆزەکان و بەرانبەر دانانی جۆزەکان بۆ هەرماڵێک( 13 ) هەزار وەردەگرین، تاکو کارەکان تەواو نەبێت ناتوانین کارەبا هەڵبکەینەوە بەپێی ئەو سیستەمە دەبێ ڕاپۆرتی کۆتایی پێشکەش بەبەڕێوەبەرایەتی بکەین.
- جەمال عەلی وتیشی ” لە فیدەری (13 ) وە دەستمان پێکردوە کە نزیکەی 900 ماڵ دەبێ و لەئێستادا 14 لیژنەمان دەست بەکار بوون و بۆهەر لیژنەیەک 25 ماڵیان لەئەستۆدایە و واتە لەڕۆژێکدا 350 ماڵ تەواو دەبێت ، ڕەنگە لەماوەی 3 ڕۆژدا تەواو ببێت.
- وتیشی ” قسەیەک کراوە لەسەر ئەوەی کەدانانی جۆزەکان بۆ ماڵە شەهیدەکانی دەستی داعش بێ بەرانبەر بێت بەڵام هێشتا دڵنیاییمان وەر نەگرتووە لەو بارەیەوە ، ئەوە دەبێت ڕێکەوتن لەنێوان قایمقامیەت و کۆمپانیاکەدا بکرێت ، کە کۆمپانیاکە ڕەزامەندی دەربڕی ئەوا ئێمەش ڕێکارەکان جێبەجێ دەکەین
- ئەمە لەکاتێکدایە کارەبای نیشتیمانی بەشێوەیەکی بەرچاو کەمی کردووە هاوڵاتیانیش بەئومێدی ئەوەی لەم پڕۆسەیەدا ماوەی پێدانی کارەبایان بۆدرێژبکرێتەوە
330
