کاڵەک یەکێکە لەو میوە شیرینانەی لە وەرزی هاویندا بەرهەم دێت و لەلایەن هاوڵاتییانەوە خواستێکی زۆری لەسەرە.
جگە لە تامە بە چێژەکەی، کاڵەک چەند سوودێکی گرنگی تەندروستیشی هەیە کە شارەزایان باسیانلێوەکردووە، بە وتەی شارەزایان دیارترین سوودەکانی کاڵەک بریتین لەمانە:
１-یارمەتیدەرە بۆ پاکبوونەوەی میزەڵدان
２-بەهۆی بوونی پێکهاتەی ئادنۆزین رێگری دەکات لە تووشبوون بە نەخۆشییەکانی دڵ و دەمارەکان
３-یارمەتی ئاسایی بوونەوەی لێدانی دڵ و دابینکردنی ئۆکسجین بۆ مێشک دەدات و ئەمەش دەبێتە هۆی ئارامبوونەوەی مرۆڤ
４-خواردنی کاڵەک بەسوودە بۆ رێگریکردن لە تووشبوون بە شێرپەنجە
５-کۆئەندامی بەرگری لەش بەهێز دەکات
６-یارمەتی باشکردنی کۆئەندامی هەرس دەدات
７-بە سوودە بۆ کۆنتڕۆڵکردنی فشاری خوێن
８-بەسوودە بۆ پاراستنی تەندروستی چاو
９-هاوکاری دابەزاندنی کێش دەکات
１０-بەسوودە بۆ پاراستنی تەندروستی پێست بە گشتی